नेविसंघको निर्वाचनमा जे देखियो

नारायण महर्जन

लामो समयसम्म चलेको विवाद समाधान गर्दै नेपाल विद्यार्थी संघको नयाँ नेतृत्वका लागि निर्वाचन सुरू भएको छ। बुधबारदेखि नेविसंघ पदाधिकारीका लागि निर्वाचन सुरू भएको हो।

९ वर्षपछि भएको महाधिवेशनमा सभापति पदका आकांक्षी ७ जना छन्। सबै सभापतिको दौडमा प्रतिस्पर्धा गरिरहेका छन्।

लामो समयपछि महाधिवेशन हुनु र विवाद साम्य पार्दै नयाँ नेतृत्व निम्ति चुनाव भएपछि विद्यार्थीमा उत्साह छाएको छ। मतदाता धेरै रहेकाले मतदान प्रक्रिया बिहीबारसम्म चल्ने निर्वाचन समितिले जनाएको छ। महाधिवेशनमा देशभरिबाट आएका प्रतिनिधि आफ्नो पक्षका उम्मेदवार जिताउन कस्सिएका छन्।

ब्यानर, पर्चा र नाराबाजीले नेपाली कांग्रेसको पार्टी कार्यालय चुनावमय बनेको छ।