नेपाल विद्यार्थी संघको एघारौं महाधिवेशनबाट महामन्त्री लडेका कुन्दन काफ्लेले सबैभन्दा बढी मत ल्याएका छन्। उनले जम्मा खसेको ३३०७ मतमध्ये १८६३ मत ल्याएका हुन्।
निर्वाचन समितिका अनुसार उनी सबैभन्दा बढी मत ल्याएर जित्ने नेविसंघ महामन्त्री हुन्। दोलखा जिल्लाका काफ्ले एसएलसीपछि नेविसंघ राजनीतिमा उदाएका थिए। काफ्ले देउवा समूहको प्यानलबाट उठेका थिए।
उनी पशुपति क्याम्पसमा २०५५ सालमा स्ववियु सदस्य, ५७ मा सचिव र ६० सालमा सभापति भएका थिए। दसौं महाधिवेशनबाट उनी केन्द्रीय सदस्य निर्वाचित भएका थिए।
राजा ज्ञानेन्द्रको प्रत्यक्ष शासनकालका बखत त्यसको बिरोध गर्दै सडकमा निस्किँदा उनी पक्राउ परेका थिए। उनले राजतन्त्रको सान्दर्भिकताको विषयमा त्यतिबेला बहस चलाएका थिए। उनलाई माघ १९ गते पक्राउ गरिएको थियो। उनी तीन महिना थुना परेका थिए।
अाफ्नो शासनकालमा राजा ज्ञानेन्द्र अभिनन्दन थाप्दै हिँड्दा उनले अाफ्नो क्याम्पसमा कुकुरलाई अभिन्नदन गरेर सांकेतिक विराेध जनाएका थिए।
