युरोपियन च्याम्पियन्स लिग फुटबलका अन्तिम छनोट खेलहरू भइरहेका छन्।
गएराति भएको छनोट खेलमा ईटालीको एएस रोमालाई पराजित गर्दै पोर्चुगलको एफसी पोर्टो समूह चरणमा प्रवेश गरेको छ।
यसैगरी ईजरायलको हपोईल बिर सेभालाई हराउँदै स्कटल्याण्डको सेल्टिक पनि समूह चरणमा पुगेको छ। यस्तै स्पेनिस क्लव भिया रियाललाई हराउँदै फ्रान्सको मोनाको पनि समूह चरणमा उक्लिएको छ ।
च्याम्पियन्स लिग छनोटअन्तर्गत आज राति ५ खेल हुनेछन् । इङ्ल्यान्डको म्यान्चेस्टर सिटीले रोमानियाको स्टावा बुकारेष्टसँग खेल्दा नेदरल्याण्ड्सको आयाक्सले रुसको एफसी रोस्तोभसँग तथा क्रोएसियाको डाईनामो जाग्रेबले अष्ट्रियाको रेडबुल साल्जबर्गसँग खेल्नेछन् ।
