बुधबार राति परेको पानीले पोखराको मुख्य बजारबाट बगाएर एक जनाको मृत्यु भएको छ। दाङ घर भई हाल पोखरा बस्दै आएकी ४० वर्षिय मीना भण्डारीको मृत्यु भएको हो। पोखराको सिद्धार्थ चोकबाट पानीले बगाएर भण्डारीको मृत्यु भएको प्रहरीले जानकारी दिएको छ।
सिद्धार्थचोकमा रहेको नालामा खसेर पानीले बगाउदा उनेको मृत्यु भएको हो। नालाको ढक्कन खुल्ला रहेको र पानीले खुल्ला नदेखिए पछि उनी नालामा खसेकी प्रहरीले बताएको छ। नालाबाट उनलाई बगाएर करिब ४ किलोमिटर तल फेवातालको किनारा नजिक लगेको थियो। उनलाई ताल छेउमा मृत अवस्थामा भेटिएको वडा प्रहरी कार्यालय बैदामका प्रहरी निरीक्षक मोहनमणि अधिकारीले जानकारी दिए।
मृतको सवलाई पोष्टमार्टका लागि पश्चिमाञ्चल क्षेत्रिय अस्पतालमा राखिएको छ। पोखरामा बुधबार बेलुका करिब २ घण्टामा ८३ दशमलव ५ मिलिमिटर पानी परेको थियो ।