पोखरामा स्थापना भएको हेम देवी धर्म, संस्कृति तथा समाजसेवा पुरस्कारबाट वरिष्ठ सस्कृतिविद् सत्यमोहन जोशीलाई सम्मानित हुने भएका छन्। विन्ध्यवासिनी धार्मिक क्षेत्र विकास समितिका संस्थापक अध्यक्ष हेमबहादुर प्रधानद्धारा स्थापित र समितिबाट सञ्चालित पुरस्कारबाट जोशीलाई सम्मान गर्न लागिएको समिति मंगलबार पत्रकार सम्मेलन गरि जानकारी दिएको छ।
नगद एक लाख रूपैया र सम्मानपत्रले सम्मान गर्ने विन्ध्यवासिनी धार्मिक क्षेत्र विकास समितिका अध्यक्ष गणेश श्रेष्ठले जानकारी दिए। उनलाई असोज १३ गते राष्ट्रपति विद्यादेवी भण्डारीको हातबाट पुरस्कार प्रदान गर्ने श्रेष्ठले बताए। धर्म संस्कृति र समाजसेवाको क्षेत्रमा उल्लेखनीय योगदान दिने ब्यक्ति वा संस्थालाई प्रत्येक दुई वर्षमा प्रदान गर्ने गरी स्थापित पुरस्कार स्थापना गरेको उनले बताए ।
समितिका अध्यक्ष गणेश बहादुर श्रेष्ठको संयोजकत्वमा सचिव तीर्थ श्रेष्ठ, संस्थापक प्रतिनिधि रविन्द्र प्रधान, सनातन धर्म सेवा समितिका पूर्वअध्यक्ष मुकुन्दशरण उपाध्यय र युवा पण्डित कमलनयन गौतम सदस्य रहेको छनोट समितिले जोशीलाई पुरस्कार प्रदान गर्ने निर्णय गरेको हो।
पुरस्कारको लागि १५ लाख रूपैयाको अक्षयकोष खडा गरि सञ्चालन गरेको समितिका सचिव तीर्थ श्रेष्ठले जानकारी दिए।