अवकासपछि अमेरिकी राष्ट्रपति ओबामा ५० करोडको घरमा सर्दै (फोटोसहित)

धेरैलाई कौतुहलता होला, विश्वकै सबैभन्दा बलियो व्यक्ति अमेरिकी राष्ट्रपति आफ्नो अवकासपछि कहाँ र कसरी बस्छन् होला? यसको खुलासा भर्खरै अमेरिकी अखबारले गरेको छ।

अमेरिकी राष्ट्रपति बराक ओबामा अवकासपछि करिब ५० करोड रुपैयाँ पर्ने वासिङ्टन डिसीस्थित एउटा भाडाको घरमा बस्दैछन्। यसको मासिक भाडा नै करिब २२ लाख रुपैयाँ छ। अमेरिकी राष्ट्रपतिको निर्वाचन आउँदो नोभेम्बरमा हुँदैछ। र, अघिल्लो वर्षको सुरुवातमा निर्वाचित राष्ट्रपतिले ह्वाइटहाउसमा सपथ ग्रहण गरेपछि ओबामाले अवकास पाउने छन्।

ह्वाइटहाउसमा दुई कार्यकाल (८ वर्ष) विताएका ओबामाका लागि वासिङ्टनको महँगो केलोरेमा क्षेत्रमा ८ हजार २ सय स्क्वायर फिटको एउटा घर भाडामा लिइएको छ। यो घर सन् १९२८ मा बनेको हो। जसमा ९ वटा बेडरुम, ८ बाथरुम, मनोरञ्जन गर्ने खाली ठाउँ र बगँैचा छ। ओबामाले यो घर जोए लोकहार्टसँग लीजमा लिएका हुन्।

जोए अमेरिकाका पूर्व राष्ट्रपति बिल क्लिन्टनका प्रेस सचिव थिए। यो घरको विशेषता वासिङटन डिसीदेखि केही मिनेटको दुरीमै अवस्थित छ। ओबामाले राष्ट्रपतिबाट अवकास पाएपनि उनले ‘सिक्रेट सर्भिस प्रोटेक्सन’ पाउनेछन्।

प्रकाशित मिति: 2016-09-27 14:38:02

प्रतिक्रिया दिनुहोस्