प्रधामन्त्री पुष्पकमल दाहाल प्रचन्डले बाँकेको सिक्टा सिँचाई आयोजनाको स्थलगत अनुगमन गरी आयोजनाको कामलाई निर्धारित समय भन्दा पहिल्यै सम्पन्न गर्नका लागि युद्वस्तरमा कामको गतिमा काम अगाडि बढाउन निर्देशन दिएका छन्।
सिक्टा सिँचाई आयोजना नेपाल सरकारको आफ्नै स्रोत साधन र इन्जिनियरिङमा अगाडि बढीरहेको बताउँदै प्रधानमन्त्री दाहालले आगामी ४ वर्षमा काम सक्ने गरी कामलाई अगाडि बढाउनुपर्ने बताए ।
प्रधानमन्त्री दाहालले बजेट उपलब्ध भए पनि विकास खर्च हुन नसकेको बताउदै विकास खर्च बढाउन काम गर्ने क्षमता समेत बढाउन आयोजना प्रमुख लगायत त्यहाँ उपस्थित बाँके जिल्लाका कार्यालय प्रमुखहरुलाई निर्देशन दिएका छन्।
गत वर्ष विकास खर्चको ५३ प्रतिशत मात्रै खर्च भएको उल्लेख गर्दै प्रधानमन्त्री दाहालले यो वर्ष कम्तिमा पनि ८० प्रतिशत विकास खर्च हुने गरी विकास निर्माणका आयोजनाहरुलाई अगाडि बढाउनुपर्ने बताए।
पैसा भएर पनि विकास नहुने र जनताले दुःख खेप्नुपर्ने अवस्थाको अन्त्य गर्नु पर्नेमा प्रधानमन्त्री दाहालले जोड दिए।
प्रधानमन्त्री दाहालले सोही अवसरमा प्युठानका पहिरो प्रभावित र बाँकेका बाढी प्रभावित जनतालाई पनि भूकम्प प्रभावित परिवार सरहले सरकारले अनुदान उपलबध गराउने घोषणा गरेका छन्।
बाँके जिल्लाको करिब ४२ हजार हेक्टरमा सिचाई सुबिधा पुराउने उद्देश्यले २०६१ साल देखि निर्माण कार्य शुरु भएको सिक्टा सिचाई आयोजनामा हाल सम्म करिब १२ अर्ब रुपैया खर्च भई सक्दा पनि करिब ४७ प्रशित मात्रै काम सम्पन्न भएको छ ।
हाल आयोजनाको मुलबाँधमा हेडबक्स निर्माणको काम अन्तिम चरणमा पुगेको छ भने मुल नहर थप १० किलो मिटर बिस्तार गर्ने काम तिब्र गतिमा भईरहेको छ।
