स्पेनिस विङ्गर पेड्रो इङ्लिस प्रिमियर लिगको यो सिजन सर्वाधिक छिटो गोल गर्ने खेलाडी बन्न पुगेका छन्।
आइतबार म्यानचेस्टर युनाइटेडविरूद्ध स्ट्याम्पफोर्ड मैदानमा ४–० ले विजयी खेलमा चेल्सीका यी स्ट्राइकरले ३० सेकेन्डमै गोल गरेका थिए। म्यानचेस्टर युनाइटेडका खेलाडीले बल छुन नपाउदै उनले घरेलु मैदानमा गोल गरेका थिए।
मार्कोस अलन्सोको लामो पासमा युनाइटेडका रक्षक क्रिस स्मेलिङले रोक्न नसक्दा पेड्रोले गोल गरेका थिए। गत वर्ष चेल्सीबाट निकालिएका जोसे माउरिन्होको म्यानचेस्टर युनाइटेडको प्रशिक्षकको रुपमा स्ट्याम्पफोर्डमा पहिलो भ्रमण थियो। उनलाई चेल्सीका समर्थकले राम्रै स्वागत गरेपनि पेड्रोले ३० सेकेन्डमै गोल गरेपछि माउरिन्होको सपना भताभूङ बन्न पुग्यो।
