निलम्बित अख्तियार प्रमुख लोकमानसिंह कार्की विरुद्धको महाअभियोग टुंगोमा पुर्याउन माग गर्दै संयुक्त विद्यार्थी आन्दोलनले सभामुख ओनसरी घर्तीलाई सोमबार ज्ञापनपत्र बुझाएको छ।
सोमबार आफ्नै कार्यकक्षमा ज्ञापनपत्र बुझ्दै सभामुख घर्तीले महाअभियोगको प्रकृयाअघि बढिसकेको र नरोकिने बताएको अनेरास्ववियुका प्रवक्ता आरसी लामिछानेले सेतोपाटीलाई बताए।
लामिछानेले भने,'छोटो कुरा भयो। जनप्रतिनिधिहरूले राम्रो कुरा उठाउनु भएको छ । यो प्रकृया अघि बढिसक्यो, अब रोकिँदैन भन्नुभयो।'
संयुक्त विद्यार्थी आन्दोलनले यसअघि एमाले अध्यक्ष केपी शर्मा ओली र कांग्रेस सभापति शेरबहादुर देउवा लगायतलाई ज्ञापन पत्र बुझाइसकेको छ।
अब प्रधानमन्त्री पुष्पकमल दाहाललाई ज्ञापन पत्र बुझाउने कार्यक्रम रहेको लामिछानेले जानकारी दिए।
