नेपाल भ्रमणमा रहेका भारतीय राष्ट्रपति प्रणव मुखर्जीले पशुपतिनाथ मन्दिरको दर्शन गर्न पाएकोमा प्रसन्नता व्यक्त गरेका छन्। उनले पशुपतिमा रहेको आगन्तुक पुस्तिकामा पशुपतिको विशेष पूजा गर्दा आफूलाई आनन्द महसुस भएको उनले लेखेका छन्।
मन्दिरलाई सांस्कृतिक धार्मिक र ऐतिहासिक महत्वको स्थान भन्दै उनले नेपाल भारत पशुपतिनाथ धर्मशाला परियोजनाको स्थापनाका लागि भारत सरकारले गरेको सहयोगमा प्रसन्नता व्यक्त गरेका छन्।
आगन्तुक पुस्तिकामार्फत् पशुपति मन्दिर आसपासमा घाटको पुनर्निर्माण र नवनिर्माण गर्न भारत सरकारले सहयोग गर्ने घोषणा समेत मुखर्जीले गरेका छन्।
