अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीबिरुद्ध सर्वोच्च अदालतमा अर्को मुद्दा दायर भएको छ।
म्याद तामेलीमा अबरोध पुर्याएको आरोपमा अधिवक्ता ओमप्रकाश अर्यालले उक्त मुद्दा दायर गरेका हुन्। ‘कात्तिक १ गते म्याद तामेलीको क्रममा केही व्यक्तिले प्रतिकार गरेकोले प्रतिकार गर्न आउनेलाई कारवाही गरी पाऊँ भनेर उजुरी दायर गरेको छु,’ सेतोपाटीसँग अर्यालले भने, ‘लोकमानको योजना र निर्देशनमा अवरोध भएकोले पूर्व कानुन सचिव प्रमोद कार्की, उनका ज्वाँई प्रबल थापा र नेपाल प्रहरीका सई नकुल गौतमलगायतका व्यक्तिविरुद्ध रिट दायर गरिएको हो।’
म्याद तामेली कार्यमा अबरोध गरेका व्यक्तिउपर मुलुकी ऐन अदालती बन्दोवस्तको १११ नम्बर बमोजिम कारवाही गर्न माग गर्दै अर्यालले उजुरी दायर गरेका हुन्। सो कानुनमा १५ दिन कैद वा एक हजार जरिवाना वा दुवै हुने व्यवस्था रहेकोले त्यही व्यवस्था रहेको छ।
