लोकमान सिंह कार्की र उनका ज्वाईं सहित चार जनाले सर्वोच्च अदालतको म्याद तामेली गर्न अवरोध गरेको भन्दै सर्वोच्चमा परेको मुद्दामा आज सुनुवाई हुँदैछ। कार्की बिरूद्धको सो मुद्दा सुनुवाई गर्न प्रधानन्यायाधीश सुशीला कार्कीले न्यायाधीश आनन्द मोहन भट्टराईको एकल बेन्च तोकेकी छन्।
अख्तियार प्रमुख कार्की, उनका ज्वाईं प्रवल थापा, पूर्वसचिव प्रमोद कार्की लगायतले सर्वोच्चको म्याद तामेली गर्न अवरोध गरेकोले उनीहरूविरूद्ध कानुन बमोजिम कारवाहीको माग गर्दै अधिबक्ता ओमप्रकाश आर्यालले सर्वोच्चमा मुद्दा दायर गरेका थिए।
म्याद तामेली गर्न अवरोध गरेको दोषी ठहर भएमा उनीहरुलाई १५ दिन जेल वा १००० रूपैया जरीवाना वा दुवै हुनसक्ने कानुनी व्यवस्था छ।