काठमाडौंको नागार्जुङ नगरपालिका १ स्थित रानीवनमा ६ वर्षपछि पानीको मूल फुटेको भन्दै स्थानीयले पूजाआजा गरेका छन्। रानीवनमा रहेको सिद्धेश्वर शिव मन्दिर नजिकै गत असोजमा पानीको मूल फुटेको स्थानीयले जनाएका छन्।
२०६८ सालदेखि सुकेको पानीको मुहानमा गत असोजदेखि फेरि पानी आउन थालेपछि स्थानीय खुशी भएका छन्। सिद्धेश्वर शिव मन्दिर व्यवस्थापन समितिका अध्यक्ष लवेन्द्रबहादुर क्षेत्रीले लामो समयदेखि सुकेको पानीको मूल पुनः फुटेपछि पूजाआजा गरेको बताए।
पानीको मुल फुटेपछि मन्दिर आसपासमा सरसफाइ गरेको स्थानीय बिमला क्षेत्रीले बताईन्। उक्त मन्दिर बालाजुबाट दुई किलोमिटरको दुरीमा छ ।