राष्ट्रिय जनमोर्चाका सांसद चित्रबहादुर केसीले नेपाली जनताले ६५ वर्ष लडेर ल्याएको संविधान कार्यान्वयनका लागि तत्काल स्थानीय निकायको निर्वाचन गर्नुपर्ने बताएका छन्। उनले संसदको विशेष समयमा बोल्दै तत्काल गर्नुपर्ने निर्वाचनका विषयमा अहिलेको सरकारको लागि स्थानीय सिंमाकंन गर्नै १२ बजेको बताए।
अहिले हामीले बनाएको संविधानलाई विदेशी पाहुनाले सबैलाई मान्य हुने गरी संशोधन गर्न दिएको निर्देशन सरासर बाहिरी हस्तक्षेप भएको आरोप लगाए।
उनले स्थानीय निकाय निर्वाचन हुन नदिन र संविधान कार्यान्वयन नहुन दिन गरिएको षडयन्त्र भएको बताए।
झापादेखि कन्चनपुरसममको एउटा प्रदेश बनाउन पाइन्छ कि भनि सदनमा भोट हालेर मौन बस्दै आएका नेताहरू अहिले सदन बहिष्कारमा गएको भन्दै फेरि शेरबहादुर देउवा प्रम हुने बेलामा भोट हाल्न आउने दाबी गरे।
जनताको घाँटीमा गलपासोको रुपमा भिराइएको संघीयता खारेज नगरेसम्म यो विषयले नेपाल नाइजेरिया बनाउने खतरा भएको भन्दै देशको राष्ट्रियता सार्वभौमिकतामा सौदावाजी गरी सत्तामा जाने भन्दा नेपाल र नेपालीको हितमा निर्णय गर्न आवश्यक भएको बताए।
उनले संविधान कार्यान्वयनका लागि तत्काल स्थानीय निकायको पुनसंरचना गरी निर्वाचनमा जान माग गरे।
