८ वर्ष लगाएर तयार भयो विश्वकै सबैभन्दा ठूलो थाङ्‌का

नारायण महर्जन

नेपाल बौद्ध धर्म संरक्षण समितिले काठमाडौंमा विश्वकै सबै भन्दा ठूलो थान्का प्रदर्शनी गरेको छ ।

झण्डै ८ वर्षको समय लगाएर तयार पारिएको दाबी गरिएको थान्का शुक्रबार दशरथ रंगशालामा प्रर्दशन गरिएको हो । झण्डै ७ हजार वर्गमिटरको कपडा प्रयोग गरिएको सो थान्का ८१ टुक्रामा विभाजन गरिएको छ।

८१ वटा टुक्रालाई ३ हजार २ सय मिटर भन्दा बढी जिपरको सहायताले जोडी पूर्ण साईजको थान्का बनाईएको हो । १ हजार ९ सय ५ किलो को सो थान्कामा भगवान बुद्धको जन्मदेखि परिनिर्वाणसम्मको जीवनचक्र प्रदर्शीत गरिएको छ।

थान्का प्रदर्शन समारोहलाई सम्बोधन गर्दै परराष्ट्रमन्त्री प्रकाशशरण महतले मुलुक विकास र सम्वृद्धिको बाटोमा अघि बढेको बताए।

विश्वकै ठूलो दाबी गरिएको सो थान्का आगामी मंसिर ४ र ५ गते पोखरामा र १० र ११ गते लुम्बिनीमा प्रदर्शन गरिने नेपाल बौद्ध धर्म संरक्षण समितिले जनाएको छ ।