फाइल फोटो
सरकारले दिएका निर्देशनहरुको अपेक्षा अनुसार कार्यप्रगति नभएको भन्दै प्रधानमन्त्री पुष्पकमल दाहालले विभिन्न मन्त्रालयका सचिवहरुसँग असन्तुष्टि व्यक्त गरेका छन्।
सोमबार आफ्नै कार्यकक्षमा विभिन्न मन्त्रालयका सचिवहरुलाई बोलाएर संसद र सरकारले विगतमा दिएका निर्देशनको अपेक्षा अनुसार प्रगति नभएको भन्दै प्रधानमन्त्री दाहालले असन्तुष्टि व्यक्त गरेका हुन्। छलफलमा प्रधानमन्त्री दाहालले सचिवहरुले अपेक्षा अनुसार काम गर्न नसक्दा आम जनताले सरकारको उपस्थितिको महसुस गर्न नसकेको भन्दै आक्रोस व्यक्त गरेका थिए।
उनले आफूले विभिन्न आयोजनाको भ्रमणका क्रममा कार्य प्रगतीमा खासै सुधार नपाएको गुनासो गरे। उनले के कारणले काम गर्न नसकेको भन्दै सचिवहरुसँग कारण माग गरेका बैठक पछि प्रधानमन्त्रीका प्रशासनिक सल्लाहकार नारायण दाहालले जानकारी दिए।
प्रधानमन्त्री कार्यालयबाट विभिन्न आयोजनाको निरन्तर अनुगमन र सहजिकरण गर्ने भन्दै प्रधानमन्त्री दाहालले बजेट स्रोत साधनको अभाव हुन नदिने प्रतिवद्धता जनाएका थिए। विगतमा सरकार र संसदले दिएका निर्देशनको कार्यप्रगति नभएको भन्दै प्रधानमन्त्रील सचिवहरुले आम जनताका हितलाई केन्द्रमा राखेर काम गर्न पनि निर्देशन दिएको सल्लाहकार दाहालले जानकारी दिए। प्रधानमन्त्री दाहालले निर्माणाधिन ठुला आयोजनाको प्रधानमन्त्री कार्यालयबाट निरन्तर अनु्गमन गर्ने र समयमै सम्पन्न गर्ने वातावरण बनाउन पनि निर्देशन पनि दिए। उनले भूकम्प गएको लामो समयसम्म पनि सबै भूकम्पपीडितले आवास पुननिर्माणको सुविधा नपाएकाले शिघ्र काम अघि बढाउन पनि सचिवहरुको ध्यानाकर्षण गराएका थिए।