भारतले भारू पाँच सय र हजारको नोटमा प्रतिबबन्ध लगाएपछि महोत्तरीको सीमावर्ती गाउँका गृहिणीको भान्सा एक सातादेखि महँगिएको छ।
महोत्तरीको दक्षिणी क्षेत्रमा पर्ने सम्सी, मठियानी, जलेश्वरलगायतका एक दर्जनभन्दा बढी ग्रामीण क्षेत्रकाहजारौं बासिन्दाको जीवन महँगिएको हो । उनीहरु महँगीको मारमा छन् । यो खबर हामीले आजको अन्नपूर्णबाट लिएका हौ।
भारतीय बजारमा बढेको महँगीले गरिब तथा विपन्न समुदायको जनजीवन यतिखेर थप प्रभावित बनेको छ।
यहाँका सर्वसाधारणलाई एक किलो चिनी लिन पनि भारतीय बजार पुग्नुपर्ने बाध्यता छ । सीमा क्षेत्रका बासिन्दा सीमावर्ती भारतीय बजार भिट्ठामोड, कन्माबेला,मधुवापुर लगायतका बजारमा नुन, तेल, चामल, दाम , चियापत्ति जस्ता दैनिक उपभोग्य समाग्रीहरु खरिद गर्न जाने गरेका छन् ।
तर, भारु पाँच सय र हाजरको नोटमा प्रतिबन्ध लागेपछि दैनिक उपभोग्य सामाग्रीको मूल्य ह्वात्तै बढेको छ । ३९ रुपैयाँ भारुमा पाइने चीनी अहिले ५० रुपैयाँ भारुमा बिक्री भइरहेको छ ।
