नेपाल प्रहरीका एसएसपी डा. मीनराज पाठकविरूद्ध भ्रष्टचार गरेको भन्दै अख्तियार दुरुपयोग अनुसन्धान आयोगमा उजुरी परेको छ।
अस्पतालको अधोगति हुनुमा पाठकको भूमिका ठूलो रहेको भन्दै त्यसको छानबिन गर्न उनीबिरुद्ध मुद्दा परेको हो। अख्तियारमा हालिएको उजुरीमा पाठकलाई सुदूरपश्चिम क्षेत्रीय प्रहरी अस्पतालमा कार्यरत रहँदा उक्त अस्पतालको कोषको रकम हिनामिना गरेको लगायतका ९ वटा आरोप लगाइएको छ।
मध्यपश्चिम क्षेत्रीय प्रहरी अस्पताल नेपालगञ्जको भवन कम्पाउण्ड बनाउँदा हिनामिना गरेको, उपकरणको बजार मूल्यभन्दा तेब्बर मूल्य राखी नक्कली बिल बनाएको आरोप पाठकलाई लगाइएको छ।
नेपालगञ्ज अस्पताल परिसरमा रहेका सिसौं, सालका रुखहरु कटान गरि नेपालगञ्जमा रहेको निजी घरको फर्निचर तथा झ्याल ढोका बनाएको समेत पाठकलाई आरोप छ ।
पाठकलाई लगाइएको आरोपमा बिरामी काजमा बसेका प्रहरी कर्मचारीलाई घरेलु कामदार बनाएको समेत उल्लेख छ।
हेर्नुहोस् अख्तियारमा दर्ता नम्बर १०२११ रहेको उजुरीको पूर्ण पाठ