इंग्लिस प्रिमियर लिगमा चेल्सी शीर्ष स्थानमा कायम रहन सफल भएको छ। लिग अन्तर्गत शनिबार राति चेल्सीको घरेलु मैदान स्टामफोर्ड ब्रिजमा भएको खेलमा टोटनह्यामलाई २–१ ले हराउँदै शीर्ष स्थानमा कायमै रहेको हो।
१३औं खेलमा टोटनह्यामको अपराजित यात्रा टुंग्याउने क्रममा चेल्सीका लागि पेड्रो र भिक्टर मोसेसले एक-एक गोल गरे। क्रिष्टियन एरिकसनले टोटनह्यामका लागि पहिलो गोल गरेका थिए।
टोटनह्यामले पछिल्ला ३० खेलमा चेल्सीको मैदान स्टामफोर्ड ब्रिजमा जित्न सकेको छैन। गएरातिको खेलसँगै शीर्ष स्थानको चेल्सीको १३ खेलबाट ३१ अंक भएको छ।
