संविधान संशोधन प्रस्ताव आजै (मंगलबार) दर्ता संसद सचिवालयलाई तयारी अवस्था राखिएको छ।
प्रधानमन्त्रीको सरकारी निवास बालुवाटारमा भर्खरै सुरु भएको मन्त्रिपरिषद् बैठकले आजै संशोधन प्रस्ताव दर्ता गर्ने निर्णय गर्ने भएपछि सचिवालय तयारी अवस्थामा रहेको सचिवालय स्रोतले जनाएको छ।
अहिले संशोधन प्रस्तावको अन्तिम मस्यौदा तयार भइरहेको छ। मन्त्रिपरिषद् बैठकले सो प्रस्ताव संसदमा दर्ता गर्ने निर्णय गर्ने छ।
आज दिउँसो प्रधानमन्त्री पुष्पकमल दाहालले उपेन्द्र यादवसहितका मधेसी मोर्चाका नेताहरु संशोधन प्रस्तावमा भोट हाल्न र निर्वाचनमा जान सहमत भएको बताउँदै आजै संशोधन प्रस्ताव दर्ता हुने बताएका थिए।