प्रमुख प्रतिपक्षी दल नेकपा एमालेको संसदीय दलको बैठक सुरु भएको छ। सरकारले संसदमा दर्ता गरेको संविधान संशोधन विधेयकको विषयमा छलफल गर्न अध्यक्ष केपी शर्मा ओलीले संसदीय दलको बैठक बोलाएका हुन्।
बैठक संसदीय दलको कार्यालय सिंहदरबारमा बसिरहेको छ।
दलको बैठकमा संशोधन विधेयकविरुद्ध संसदमा कस्तो रणनीति अपनाउने भन्ने विषयमा छलफल भइरहेको एमाले सचेतक गोकुल घर्तीले सेतोपाटीलाई जानकारी दिए।
एमालेले यसअघि नै स्थायी समिति बैठकबाट संशोधनको विपक्षमा उभिने निर्णय गरिसकेको छ। स्थायी समितिले संशोधनको सडक र सदनबाट प्रतिकार गर्ने निर्णय गरेको थियो।
सरकारले ५ नम्बर प्रदेशका केही जिल्ला ४ नम्बर प्रदेशमा मिसाउने लगायत केही बुँदामा संविधान संशोधन गर्न बनेको विधेयक हिजो राती संसदमा दर्ता गरेको थियो।