प्रधानमन्त्री पुष्पकमल दाहालले संसदमा दर्ता भएको संविधान संशोधन प्रस्ताव पास फेल जे भएपनि आगामी चैत/वैशाखमा स्थानीय निकायको चुनाव गर्न प्रस्ताव गरेका छन्। प्रधानमन्त्री दाहालको आह्वानमा बुधबार साँझ सिंहदरबारमा भएको चार दलको बैठक प्रधानमन्त्री यस्तो प्रस्ताव गरेका हुन्। अरु दलका नेताहरु पनि प्रधानमन्त्रीको प्रस्तावमा सकारात्मक भएको बताएको दाहालका प्रेस सल्लाहकार गोविन्द आचार्यले सेतोपाटीलाई जानकारी दिए।
‘संशोधन प्रस्ताव दर्ता भइसक्यो, अब प्रक्रियामा गएपछि यो पास फेल जे भएपनि हामी चुनावमा जाने सहमति गरौं भन्नुभयो’ आचार्यले भने।
प्रधानमन्त्रीले चुनावमा जानेबारे चार दलले साझा धारणा बनाउन र त्यसपछि मधेसी मोर्चासँग पनि कुरा गर्न प्रस्ताव गर्नुभयो’, आचार्यले भने ‘एमालेका नेताहरुले पनि आफूहरु चुनावमा जानेबारे सकारात्मक भएको जवाफ फर्काउनु भयो।’ बैठकमा चुनावमा जाने विषयमा मधेसी मोर्चासँग पनि छलफल गर्न दाहालले प्रस्ताव गरेक थिए।
संसद सचिवालयमा रहेको सभामुखको कार्यकक्षमा भएको भेटमो माओवादीबाट दाहालसहित उपाध्यक्ष नारायणकाजी श्रेष्ठ, नेपाली कांग्रेसका सभापति शेरबहादुर देउवा, विमलेन्द्र निधि, रामशरहण महत, नेकपा एमालेबाट भीम रावल र बामदेव गौतम र राप्रपाका अध्यक्ष कमल थापा सहभागी थिए।‘ बैठक करिब डेढ घण्टा चलेको थियो।
बैठकबाट बाहिरिँदै एमाले उपाध्यक्ष भीम रावलले बैठकमा चैतसम्म स्थानीय निकायको चुनाव गर्ने प्रधानमन्त्रीले प्रस्ताव गरेको र अाफूले एमाले सधैं चुनावका लागि तयार भएको जवाफ दिएको बताए। उनले बैठकमा संविधान संशाेधनबारे कुनै छलफल नभएको बताए।