पहिलो संस्करणको एएफसी सोलिडारिटी कप फुटबलको उपाधि दिलाउन महत्वपूर्ण भूमिका निभाएका राष्ट्रिय टोलीका सुजल श्रेष्ठ र किरण चेम्जोङ्गलाई गृह जिल्ला धनकुटामा नागरिक अभिनन्दन गरिएको छ।
जिल्लाबासीको तर्फबाट राष्ट्रिय टिमका गोल रक्षक चेम्जोङ्ग र निर्णायक गोलकर्ता श्रेष्ठको सम्मानमा नागरिक अभिनन्दन कार्यक्रम गरिएको हो ।
किरण, सुजल बृहत नागरिक अभिनन्दन समारोह मूल आयोजक समितिले कार्यक्रमको आयोजना गरी दुवै खेलाडीलाई नगदसहित सम्मान र नागरिक अभिनन्दन गरेको हो ।
दुवै खेलाडीलाई गाडीमा राखेर साँस्कृतिक झाँकी, ब्यानर, राष्ट्रिय झण्डासहितको र्यालीले बजार परिक्रमा परिक्रमा गराएका हुन्। नगर परिक्रमा गरेर टुडिखेलमा पुगेर अभिनन्दन सभा गरिएको थियो ।
सो अवसरमा सांसद अञ्जना ताम्ली र प्रमुख जिल्ला अधिकारी प्रेम प्रकाश उप्रेतीले अभिनन्दन पत्रसहित जनही नगद ७५/७५ हजारसहित चेम्जोङ्ग र श्रेष्ठलाई सम्मान गरेका हुन्।
