प्रमुख प्रतिपक्षी नेकपा एमाले संसदीय दलका उपनेता सुवास नेम्वाङ्गले संविधान कार्यान्वयनका लागि निर्वाचनमा केन्द्रित हुन सबै राजनीतिक दलहरुलाई आग्रह गरेका छन्।
उपनेता नेम्वाङले संविधान कार्यान्वयनको चुनौतिलाई अवसरको रुपमा लिँदै सबै राजनीतिक दलहरु निर्वाचनमा केन्द्रित हुनुपर्ने खाँचो औल्याए।
एमाले संसदीय दलद्धारा काठमाडौंमा आयोजित संचारकर्मीसँगको अन्र्तरक्रिया कार्यक्रममा बोल्दै उपनेता नेम्वाङले निर्धारित समय भित्रै सविधान कार्यान्वयन गर्ने विषय सम्पूर्ण राजनीतिक दलको साझा प्रतिवद्धता रहेकाले त्यसै अनुसार अघि बढनुको विकल्प नभएको पनि स्पष्ट पारे।
उनले सिंगो देशको प्रतिवद्धता, जनताको प्रतिवद्धता र दलको साझा प्रतिवद्धता भएकाले निर्धारित समय भित्र संविधानको कार्यान्वयन अपरिहार्य रहेकोमा जोड दिए।
२०७४ माघ ७ गते भित्र तीनै तहको निर्वाचन सम्पन्न गर्ने गरि संविधान कार्यान्वयनमा जानुपर्ने तर्फ सरकार एवं अन्य राजनीतिक दलको ध्यानाकर्षण गराउदै उपनेता नेम्वाङले निर्वाचन सम्बन्धी महत्वपूर्ण कानुन तत्काल ल्याउनुपर्ने आवश्यकता औल्याए। निर्वाचन सम्बन्धी महत्वपूर्ण कानुन अहिले पनि संसदमा दर्ता नभएकोतर्फ पनि उहाले सरकारको ध्यानाकर्षण गराए।
उपनेता नेम्वाङले एमाले संविधान कार्यान्वयन गराउने सवालमा सधै सकारात्मक रहेको भन्दै त्यसमा सरकारलाई पूर्णतः सहयोग गर्ने प्रतिवद्धता पनि व्यक्त गरे।
उनले एमाले जिम्मेवार प्रतिपक्षीको भूमिकामा क्रियाशिल रहेको उल्लेख गर्दे आगामी दिनमा पनि सो भूमिका निर्वाह गरिरहने स्पष्ट पारे।
उपनेता नेम्वाङले द्वन्द्व बढाउने काममा सरकार लागेको भन्दै असन्तुष्टि पनि व्यक्त गरे।