विवाहमा सहभागी हुन जाँदै गरेका एक मोटरसाईकल चालकको बबई नगरपालिका सैनवार चेकपोष्ट नजिक दुर्घटना हुँदा एकको ज्यान गएको छ।
पूर्व–पश्चिम राजमार्गअन्तर्गत सैनवार चेकपोष्ट नजिक शुक्रबार साँझ ७ बजे भे ३ प ९१६५ नम्बरको मोटरसाइकल अनियन्त्रित भई दुर्घटना हुँदा सुर्खेत बिरेन्द्रनगर–३ कालागाउँका ४३ वर्षका राजेन्द्र कुमार गिरीको ज्यान गएको ईलाका प्रहरी कार्यालय भुरिगाउँ बर्दियाका प्रहरी निरीक्षक शंकर भट्टले बताए।
विवाहका लागि बर्दियाको भुरिगाउँ आउँदै गरेका गिरी दुर्घटनामा गम्भीर घाइते भएपछि नेपालगञ्ज मेडिकल कलेज कोहलपुरमा उपचारको क्रममा राति मृत्यु भएको भट्टले बताए।
