रियल म्याड्रिडले आफ्नो नवनियुक्त प्रशिक्षक जिनेदिन जिदानको प्रशिक्षणमा १७ वर्ष लामो जीतको कीर्तिमानलाई भंग गरेको छ। शनिवार राति डेपोर्टिभो ला कोरुनालाई ३–२ ले पराजित गर्ने क्रममा म्याड्रिडले ३५ खेलको अपराजित यात्रालाई कायम राखेको छ।
सन् १९८८–८९ को सिजन डच प्रशिक्षक लिओ बेनहाकरको प्रशिक्षणमा म्याड्रिडले ३४ खेलको अपराजित यात्राको कीर्तिमान बनाएको थियो। डच प्रशिक्षकको १७ वर्ष लामो कीर्तिमानलाई फ्रेन्च स्ट्राइकरले शनिवार उछिने।
जिदानको प्रशिक्षणका रुपमा यो ५१ औं खेल थियो। ला कोरुनाविरूद्धको खेलमा पनि अन्तिम मिनेटमा कप्तान तथा डिफेन्डर सर्गियो रामोसले निर्णायक हेडिङ गोल गरेका थिए। जसका कारण ‘ला लिगा’ मा म्याड्रिडले बार्सिलोनासँगको दुरीलाई ६ अंक कायमै राखेको छ।
ला कोरुनाविरूद्धको जीतपछि जिदानले भने– ‘मानसिकरुपमा पनि ३५ खेलको अपराजित यात्राले टिमलाई शक्ति प्रदान गर्ने गर्छ।’
यसै साता जापानमा सुरु हुने क्लब विश्व कप खेल्ने अभियानमा रहेको म्याड्रिडले आफ्नो स्टार स्ट्राइकर क्रिस्टियानो रोनाल्डोलाई समावेश गरेको थिएन्।
