पूर्वाञ्चलमा जारी सातौं राष्ट्रिय खेलकुद २०७३ अन्तर्गत महिला फुटबलमा नेपाल प्रहरी क्लब र नेपाल आर्मी क्लबले लगातार दोस्रो जित दर्ता गरेका छन्। सुनसरीको दुहबी रंगशालामा सोमबार भएको खेलमा प्रहरीले पश्चिमाञ्चललाई ४–० ले हरायो। प्रहरीलाई जिताउन प्रतियोगिताकी वुमेन अफ दि म्याच यशोदा लामा, निरू थापा, सृजना खड्का र मञ्जु गुरूङले गोल गरे।
सोमबारै भएको अर्को खेलमा आर्मीले पूर्वाञ्चललाई ३–० ले हरायो। आर्मीका लागि ईन्दिरा राईले २ तथा सुष्मिता तामाङ्गले एक गोल गरे।