थाइल्याण्डमा बुधबार भएको बस दुर्घटनामा एक नेपाली घाइते भएका छन्। बैंककस्थित नेपाली राजदूतावासले बिहिबार विज्ञप्ति जारी गरेर दुर्घटनामा एक नेपाली घाइते भएको र उपचारपछि उनी अस्पतालबाट डिस्चार्ज भइसकेको बताएको छ।
दूतावासले यसअघि दुर्घटनामा १५ जना नेपाली घाइते भएको भनी प्रकाशित समाचारमा सत्यता नरहेको बताएको छ।
थाइल्याण्डको पर्यटकीय स्थल काब्री जान लागेको बस बुधबार बिहान सुतरथानीमा दुर्घटनामा परेको थियो।