निलम्बित अख्तियार प्रमुख आयुक्त लोकमानसिंह कार्कीले आफूलाई कालो मोसो दल्ने दुई युवा अवोध भएको भन्दै रिहा गरिदिन आग्रह गरेका छन्। आफूलाई कालो मोसो दल्ने ती युवा जो भएपनि कसैका गोटी मात्र भएका उनले बताएका छन्।
आफ्नो आधिकारिक फेसबुकमा पोस्ट गर्दै दुवै युवालाई 'अवोध कारिन्दा' भन्दै उनले रिहा गर्न आग्रह गरेका हुन्। उक्त फेसबुक पोस्टलाई नै विज्ञप्तिको रुप दिदैं उनले प्रहरीले आफूलाई कालो मोसो दल्ने क्रममा दर्शाएको तत्परताको सरहना पनि गरेका छन्।
बिहीबार सर्वोच्च अदालतमा मुद्दाको पेशी बुझ्न गएका कार्कीलाई नेकपा माओवादीका कार्यकर्ता प्रकाश शाही र चन्द्रबहादुर बुढाले कालो मोसो दलेका थिए। त्यसपछि उनीहरुलाई प्रहरीले हिरासतमा लिएको हो।