चार महिनाअघि ब्राजिलको रियोमा ओलम्पिक खेलेर फर्किएका नेपाल आर्मीका हरि रिमाललाई सशस्त्र प्रहरीको एपिएफ क्लबका गोपीचन्द्र पार्कीले स्तब्ध पारेका छन्। पार्कीले सातौ बृहत राष्ट्रिय खेलकुदअन्तर्गत आइतबार इटहरी रंगशालामा रिमाललाई दशमलव ५ सेकेन्डले उछिन्दै ५ हजार मिटर स्पर्धामा स्वर्ण जिते।
रिमालले चार महिनाअघि ओलम्पिक खेल्न जानुअघि भएको छनोटमा सबैलाई उछिनेका थिए। तर, सातौं बृहतमा पार्कीले रिमाललाई दोस्रो स्थानमा धकेल्दै स्वर्ण जिते।
पार्कीले निर्धारित दुरी १५ मिनेट २६ दशमलव १ सेकेन्डमा पुरा गरेका थिए। उनीसँगै दौडिरहेका रिमालले १५ मिनेट २६ दशमलव ६ सेकेन्डमा दुरी पुरा गरे। जीतपछि उत्साही पार्कीले भने– हरि र मेरो
प्रतिद्धन्द्धीता पुरानो हो। कहिले उसले हराउछ। कहिले मैले। यसपालि मैले जिते।