अमेरिकी राष्ट्रपति बाराक ओबामाले ३५ रुसी कुटनीतिज्ञलाई देश निकाला गर्न आदेश दिएको २४ घन्टा नबित्दै रुसले पनि त्यति नै संख्यामा अमेरिकी कुटनीतिज्ञलाई देश निकाला गर्ने तयारी गरेको छ।
रसियाको विदेश मन्त्रालयले अमेरिकी कुटनीतिज्ञलाई देश निकाल्न गरेको सिफारिसलाई राष्ट्रपति भ्लादिमिर पुटिनले स्वीकृति गर्नु पर्छ। तर परराष्ट्र मन्त्री सेरगेइ लाभरोभले राष्ट्रिय टेलिभिजनबाट नै उक्त कुरा घोषणा गरेकाले पुटिनको सहमतिमा नै उक्त निर्णय लिइएको विश्लेषकहरुको बुझाइ छ।
हिजो अमेरिकाले ३५ जना रुसका ‘शंकास्पद गुप्तचर’लाई देश निकाला गरेपछि आज रुसले त्यसको जवाफ स्वरूप अमेरिकी कुटनीतिज्ञलाई पनि देश निकाला गर्ने तयारी शुरु गरेको हो।
अमेरिकी चुनावमा हस्तक्षेपको विषयलाई लिएर रुस र अमेरिकाकीच तीव्र विवाद शुरु भएको छ।
