अखिल नेपाल फुटबल संघ (एन्फा) पदाधिकारीको गैरजिम्मेवारीका कारण एएफसी कप प्ले अफ खेल्नबाट बञ्चित थ्रिस्टार क्लबको विषयलाई लिएर राष्ट्रिय खेलकुद परिषद्ले छानवीन सुरु गर्ने भएको छ।
एएफसी कप यही जनवरी ३० देखि सुरु हुँदैछ। प्रतियोगिताका लागि नेपालबाट एउटा क्लबको इन्ट्री गर्न एसियाली फुटबल महासंघ(एएफसी) ले बारम्बार एन्फालाई पत्र पठाएको थियो। लिग च्याम्पियन क्लबको नाताले थ्रिस्टारले खेल्ने पाउने अधिकार एन्फा पदाधिकारीको गैर जिम्मेवारीपनका कारण असम्भव भएको थियो।
थ्रिस्टारले गत महिना पत्रकारसम्मेलन गर्दै युवा तथा खेलकुद मन्त्रालयसमक्ष छानवीनको माग गरेको थियो। मन्त्रालयको निर्देशनकै कारण परिषद्ले राखेपका सदस्य देवकुमार अधिकारीको संयोजकत्वमा छानविन समिति गठन गरेको थियो