तस्बिरः अनिश रेग्मी
नेपाली राष्ट्रिय टिमका पूर्व कप्तानहरू समावेश एउटा टोली भारतको कोलकात्तामा आयोजना हुन लागेको भेट्रान फुटबल प्रतियोगितामा भाग लिन बुधबार काठमाडौंबाट त्यसतर्फ लागेको छ।
जनवरी २१ देखि सुरु हुने यो प्रतियोगितामा नेपाल र बंगलादेशका पूर्व राष्ट्रिय खेलाडीसहित कोलकाताको ४, मिजुरम र मणिपुरका गरी ८ टोलीको सहभागिता रहनेछ।
नेपाली टिममा बालगोपाल महर्जन, उपेन्द्रमान सिंह, राकेश श्रेष्ठलगायत १५ खेलाडी समावेश छन्। टिमलाई जयकृष्ण श्रेष्ठले प्रशिक्षण दिएका थिए।
कोलकाताको ब्रम्हपुरामा आयोजना हुने यो प्रतियोगितालाई दुई समूहमा विभाजन गर्दै लिगकम नकआउटको आधारमा खेलाइने राष्ट्रिय टोलीका पूर्व मिडफिल्डर बालगोपालले सेतोपाटीलाई जानकारी दिए।
टोलीमा यी तीन खेलाडीबाहेक सौगेश श्रेष्ठ, नरेन्द्र श्रेष्ठ, राजु सिंह, प्रकाश बैद्य, कल्याण खड्गी, विजय श्रेष्ठ, चेतनारायण श्रेष्ठ, संजीव वैध, राजन नेपाली, अमिर डंगोल र हरिओम श्रेष्ठ छन्।
