पूर्वराष्ट्रपति रामवरण यादव पेटमा समस्या देखिएपछि अस्पताल भर्ना भएका छन्। एक हप्तादेखि पखाला लागेर अस्वस्थ भएपछि यादवलाई बिहिबार तीन बजेतिर त्रिवि शिक्षण अस्पताल महाराजगञ्जमा भर्ना गरिएको उनका छोरा सांसद चन्द्रमोहन यादवले सेतोपाटीलाई जानकारी दिए।
‘बुवाको अरु स्वास्थ्य सामान्य छ, केही दिनदेखि पखाला लागेपछि एक पटक जाँच गरौं भनेर आज अस्पताल लगेका हौं,’ यादवले भने,‘भोलि साँझसम्म अझै कति दिन अस्पताल बस्नुपर्छ भन्ने टुंगो लाग्छ।’
गत असोजमा यादव अमेरिकाको फोर्ड अस्पतालमा प्रोटेस्टको शल्यक्रिया गरेर फर्किएका थिए।
