पोखरामा बिहीबार प्याराग्लाइडिङ दुर्घटनामा पनि एक सोलो पाइलट गम्भीर घाइते भएका छन्। प्याराग्लाइडिङमा परि फिनल्याण्डका नागरिक ४५ वर्षीय टिमो तापियो रिसानेन घाइते भएका हुन् ।
सराङकोटबाट उडेर फेवाताल किनाराको खहेरमा अवतरण गर्ने क्रममा उनी दुर्घटनामा परेका हुन् ।
उनको टाउको र खुट्टामा चोक लागेको प्रहरीले जानकारी दिएको छ। उनलाई थप उपचारका लाग हेलिकप्टर मार्फत काठमाडौं लगिएको प्रहरीले सेतोपाटीलाई बतायो।
अवतरणको क्रममा सन्तुलन गुमाएपछि दुर्घटनामा परेको स्थानीयले बताएका छन्। केही दिन पहिले प्याराग्लाइडिङ उडाउने क्रममा एक विदेशी नागरिकको मृत्यु भएको थियो।