सृजना विकास केन्द्र सिमलचौरको मुख्य प्रायोजनमा पोखरामा हुने सृजना आमन्त्रण अन्तर्राष्ट्रिय महिला तथा पुरुष भलिबल प्रतियोगिताको तयारी पुरा भएको छ ।
कास्की जिल्ला तथा पश्चिमाञ्चल भलिबल संघको आयोजना, कास्की तथा पश्चिमाञ्चल क्षेत्रीय खेलकुद विकास समितिको संयोजनमा हुने प्रतियोगिताको आवश्यक तयारी पुरा भएको शुक्रबार पत्रकार सम्मेलन गरि जानकारी दिएको छ। शनिबारदेखि सञ्चालन हुने प्रतियोगिता माघको २९ गते सम्म सञ्चालन हुनेछ ।
प्रतियोगिताको नेपाली सेना, शसस्त्र प्रहरी बल, नेपाल पुलिस क्लब, पश्चिमाञ्चल क्षेत्रीय भलिबल संघ र भारतको उत्तर प्रदेश भलिवल संघबाट महिला/पुरुष टिमको सहभागीता रहने पश्चिमाञ्चल क्षेत्रिय खेलकुद विकास समितिका अध्यक्ष खगराज पौडेलले जानकारी दिए।
त्यसै गरि न्यु डायमण्ड एकेडेमीबाट महिला टोली र हेल्प नेपाल स्पोर्ट्स क्लबबाट पुरुष टोलीको सहभागीता रहने उनले बताए। लिगकम नकआउटका आधारमा खेलाइने प्रतियोगिताका विजेताले महिला/पुरुष टोलीले एकलाख ५५ हजार ५ सय ५५ रुपैयाँ पाउने छन्। त्यसै गरि उपविजेताले ७७ हजार ७ सय ७७ रुपैया, तेस्रो हुनेले ३३ हजार ३ सय ३३ कप, मेडल र प्रमाणपत्र प्रप्त गर्ने उनले बताए ।
त्यसै गरि उत्कृष्ट खेलाडीले १० हजार, वेष्ट स्पाइकर, वेष्ट ब्लकर, वेष्ट सटर, वेष्ट डिफेन्स र वेष्ट सर्भले नगर ५ हजार रुपैया पाउने प्रतियोगिताका सचिवालय उपसमिति संयोजक डिबी नेपालीले जानकारी दिए । उनले महिला ÷पुरुष दुवै टोलिका लागि समान पुरस्कार राखि रहेको बताए । शनिवारको उद्घाटन खेल नेपाली सेनाको त्रिभुवन आर्मी क्लब र शसस्त्र प्रहरीको एपिएफ क्लब बिच हुने बताए ।
