न्यूजिल्याण्डले अस्ट्रेलियासँगको तीन एक दिवसीय क्रिकेटको शृंखला २–० ले जितेको छ। आइतबार तेस्रो तथा अन्तिम एकदिवसीय क्रिकेटमा अस्ट्रेलियालाई २४ रनले हराउँदै न्युजिल्याण्डले शृंखलामाथि कब्जा जमाएको हो।
यसअघि भएको पहिलो शृंखला ६ रनले जितेको घरेलु टोलीले तेस्रो तथा अन्तिम शृंखलामा पनि अष्ट्रेलिया स्तब्ध भएको हो। दोस्रो खेल रद्द भएको थियो।
आइतबार टस जितेर पहिले ब्याटिङ गरेको घरेलु टोलीले निर्धारित ५० ओभरको खेलमा ९ विकेट गुमाएर २८१ रन बनाएको थियो।
दुई सय ८२ रनको लक्ष्य पछ्याएको अस्ट्रेलिया ४७ ओभरमा २ सय ५७ रनमा आउट भयो । एरोन फिन्चले ५६ र ट्राभिस हेडले ५३ रन बनाएपनि टिमलाई जिताउन सकेनन्।
न्युजिल्याण्डका ट्रेण्ट बोल्टले ६ विकेट लिएपछि अस्ट्रेलियाका ब्याट्स्म्यानले गतिलो प्रदर्शन गर्न सकेनन् । १० ओभर बलिङ गरेका बोल्टले १ मेडन राख्दै ३३ रन खर्चेर ६ विकेट लिएका थिए ।
यसअघि न्युजिल्याण्डलाई मध्यम स्कोर बनाउन रोश टेलरले १ सय ७ र डिन ब्रोनलीले ६३ रन बनाए बनाए ।