क्यास्पियन एकेडेमी धनगढीले आगामी फागुन ३ देखि १० गतेसम्म यहाँ क्यास्पियन क्रिकेट कप २०७३ को आयोजना गर्ने भएको छ ।
आज यहाँ आयोजित पत्रकार सम्मेलनमा एकेडेमीका संस्थापक मोहनराज शर्माले यस क्षेत्रको बढ्दो क्रिकेट क्रेजलाई सही दिसा दिनुपर्ने अवश्यकता महसुस गरी यो अन्तर विद्यालय निमाविस्तरीय क्रिकेट प्रतियोगिता गर्न लागिएको बताए।
प्रतियोगिताको आयोजनाले क्रिकेटबाट भविष्य बनाउन चाहने विद्यार्थी लाभान्वित हुने उनले बताए।
प्रतियोगितामा प्रथम हुनेलाई २५ हजार, प्रमाणपत्र र क्यास्पियन कप तथा द्वितीय हुनेलाई १० हजार रुपैयाँ र प्रमाणपत्र प्रदान गरिने बताइएको छ । रासस
