उपप्रधान तथा गृहमन्त्री बिमलेन्द्र निधिले सरकार निर्वाचनका लागि वातावरण बनाउन लागि परेको बताएका छन्।
उपप्रधानमन्त्री निधिले संसदमा पेश गरिएको संविधान संशोधन प्रस्ताव टुंगोमा पु¥याएपछि मात्रै निर्वाचनमा जान सकिने पनि स्पष्ट पारे। काठमाडौंमा आयोजित एक कार्यक्रमलाई सम्बोधन गर्दै उनले निर्वाचनका लागि विपक्ष र असन्तुष्ट दलहरुलाई सहमतिमा ल्याउन सरकार प्रयासरत रहेको दावी समेत गरे। उपप्रधानमन्त्री निधिले मधेशवादी दललाई सहमतिमा नल्याई निर्वाचन गराउन सकिने अवस्था नरहेको पनि दोहो¥याए।
सरकार मुलुकमा शान्ति सुरक्षा कायम गराउन लागि परेको बताउँदै उनले शान्ति सुरक्षा र अपराध नियन्त्रणको क्षेत्रमा सरकारले उल्लेख्य प्रगति गरेको दावी गरे। उपप्रधानमन्त्री निधिले शान्ति सुरक्षाको प्रत्याभूति दिलाउन प्रहरी प्रशासनलाई सबैले सहयोग गर्नुपर्नेमा पनि जोड दिए।
