नेपाल प्रहरीको आइजिपीमा जयबहादुर चन्दलाई नियुक्त गर्ने सरकारी निर्णय रोक लगाउनुपर्ने माग गर्दै सर्वोच्च अदालतमा परेको रिटमाथि आज बहस हुदैँछ। न्यायाधिश हरिकृष्ण कार्की र इश्वर खतिवडाको इजलासमा दुवै पक्षलाई झिकाएर आज बहस हुन लागेको हो।
दुवै पक्षको वहस सकिएपछि चन्दलाई निरन्तरता दिने कि रोक लगाउने भन्ने निर्णय संम्भवत आजै आउने अनुमान गरिएको छ। एकहप्ता अघि बसेको मन्त्रिपरिषद् बैंकले चन्दलाई आइजिपीमा बढुवा गर्ने निर्णय गरेको थियो र तेस्रो वरियतामा रहेका चन्दलाई आइजिपी बनाउने निर्णय रोक्न माग गर्दै अधिवक्ता कपिलदेव ढकालले सर्वोच्चमा रिट दायर गरेका थिए ।
सरकारलाई आदेश दिन माग गर्दै सर्वोच्चमा दारय गरेको रिटमाथिको पहिलो सुनुवाईमै प्रधानन्यायाधीश शुसिला कार्कीले चन्दलाई बढुवा गर्ने मन्त्रिपरिषद्को निर्णय यथास्थितिमा राख्न अन्तरिम आदेश जारी गरेकी थिइन।