क्यापिटल मर्चेन्ट तथा फाइनान्स कम्पनी लिमिटेडमा भएको बैंकिङ कसुर मुद्दामा फरार भएका थप एक जनालाई प्रहरीले पक्राउ गरेको छ।
काठमाडौं बुढानिलकण्ठका ६० वर्षीय मदन बहादुर कार्कीलाई सिआइबीले पक्राउ गरेको हो। राष्ट्र बैंकले दिएको जाहेरीमा पुनरावेदन अदालत पाटले २०७१ साल वैशाख २९ गते कार्कीले ७ लाख ६४ लाख रकम हिनामिना गरेको थर्दै उनलाई ३ वर्ष कैद र त्यत्ति नै रकम जरिवाना सुनाएको थियो।
कार्कीले आफ्नो कमसल जग्गाको अत्याधिक मुल्याङ्कन गराई धितो राखि झुठ्टा परियोजना बनाई सो परियोजनाको लागि क्यापिटल मर्चेन्ट तथा फाइनान्स कम्पनी लिमिटेडबाट उक्त फाइनान्स कम्पनीका पदाधिकारी समेतको मिलोमतोमा प्राप्त गरेको कर्जा दुरुपयोग गरेका थिए ।
हालसम्ममा सिआइबीले क्यापिटल मर्चेन्ट तथा फाइनान्स कम्पनी लिमिटेडलाई ठगी गर्ने अरुण कुमार मराठा, नवराज खत्री, तुलसाकुमारी धमला भाइकृष्ण खड्का र किरण केशर नेपाललाइ फत्राउ गरेर अदालतमा बुझाएको छ।
