हिमालय एअरलाईन्सले बालुवाटारस्थित प्रयास नेपालका बालबच्चाहरुलाई चामल, स्टेशनरी र चकलेट आदि सहयोग गरेको छ। हिमालय एअरलाईन्सका अधिकारी र प्रयास नेपाल संगठनका बालबच्चाबिच शनिबार रमाइलो अन्तरक्रियासमेत भएको एयरलाइन्सले जनाएको छ।
स्थापनाको दुई वर्षमै हिमालय एअरलाईन्सले CSR गतिविधि मार्फत सामाजिक विकासमा योगदान गर्ने प्रतिवद्धता जनाएको हो। ‘हाम्रा गतिविधिहरुले वातावरणीय, सामाजिक र आर्थिक समृद्धिका साथै स्थिरता र जिम्मेवारी सुनिश्चित गर्न महत्वपूर्ण भूमिका खेल्छ भनेर हामी विश्वस्त छौ,’ हिमालय एयरलाइन्सकी ब्राण्ड एण्ड र्सिर्भस इम्प्रुभमेन्ट डिपार्टमेन्ट प्रमुख उज्वला दलीले भनिन्, ‘यस्तो सामाजिक गतिविधि सच्चालन हिमालय एअरलाईन्सको पहिलो पहल हो र त्यही पहल निकट भविष्यमा रहनेछ।’
‘प्रयास नेपालले पिछडिएका बालबच्चाहरुको जीवनलाई निरन्तर सुधार गरिरहेको कोशिश अत्यन्तै सह्रानिय छ, जसबाट हामी निकै खुशी छौ। हिमालय एअरलाईन्सको सानो योगदानले विशेष बालबच्चासँग भावनात्मक सम्बन्ध गाँस्न पाएकोमा हामी आत्मगौरवको अनुभवका साथै, प्रयास नेपाल सँग योगदान मुलक सहकार्यलाई निरन्तरता दिने प्रण गर्छौ,’ प्रयास नेपालको अध्यक्ष मणी जोशीले भने।
नेपाल चीनको संयुक्त लगानीमा सञ्चालित हिमालय एअरलाइन्सले कतारको दोहा, श्रींकाको कोलम्बो, मलेसियाको क्वाललाम्पुर र बर्माको याङगुनमा अन्तर्राष्ट्रिय उडान भरिरहेको छ।
केही महिनापछि एयरलाइन्स्ले पहिलो चरणमा दमाम, हङकङ, दिल्ली, अहमदावाद, चेन्नाई र दोस्रो चरणमा दुवई, बैंकक, वेइजीङ, ल्हासा र चेंदगुलाई प्रत्यक्ष उडान मार्फत जोड्ने योजना बनाएको छ।
हिमालय एअरलाइन्स्ले आगामी पाँचवर्ष भित्र पन्ध्रवटा जहाज ल्याएर काठमाडौँबाट एसियाका विभिन्न गन्तब्य तथा अन्य मुलुकका विभिन्न शहरहरुमा उडान सञ्चालन गर्ने तयारी गरिरहेको छ। एअरलाइन्स्ले केही समयपछि लामो दूरी उडान भर्ने जहाज ल्याएर जापान, कोरिया, युरोप, अष्ट्रेलिया र अमेरिकाको लागि उडान भर्ने योजना बनाएको छ।