बुटवलमा जारी १९ औं तिलोत्तमा गोल्डकपमा हिमालय शेर्पा क्लवले संघर्षपुर्ण जित हात पारेको छ। शनिबार भएको खेलमा रमपम झापा ११ लाई २ शुन्यले हराउँदै हिमालयन शेर्पाले अगाडिको यात्रा सुरक्षित गरेको हो।
जिल्ला फुटवल संघ रुपन्देहीको आयोजनामा बुटवल स्थित एन्फा टेक्निकल सेन्टरमा जारी प्रतिस्पर्धामा हिमालयन शेर्पाका चेतन कुमार थारुले पहिलो गोल गर्दै आफ्नो टिमको पक्ष्ँमा खाता खोलेका थिए।
कुमार थापाको क्रसमा खेलको ३७ औं मिनेटमा थारुले गरेको गोल पछि दवावमा परेको रमपम झापा ११ ले त्यसको ४ मिनेट लगत्तै सन्जोक राईले हेडिङ गर्दै खेललाई १–१ को बराबरीमा पु¥याएपछि खेल झनै रोचक बन्यो।
१–१ को बराबरीमा पहिलो हाफ सकिएपछि रमपम झापा ११ ले दोस्रो हाफमा विपक्षीलाई दवावमा राख्यो। दोश्रो हाफको निर्धारित समयमा थप गोल हुन नसकेपछि थपिएको अतिरिक्त समयमा हिमालयन शेर्पाले १ सय १० औं मिनेटमा गरेको गोल नै निर्णायक गोल बन्न पुग्यो।
प्रतियोगिता अन्तर्गत आईतबार धरान एफसी सुनसरी र घरेलु टिम अग्नी रुपन्देही ११ का बीच खेल हुनेछ ।
विभागीय टिमसहित १० टिमको सहभागिता रहेको प्रतियोगितामा विजेताले ५ लाख ५५ हजार ५ सय ५५ तथा उपविजेताले नगद ३ लाख ३३ हजार ३ सय ३३ रुपैया प्राप्त गर्नेछन्।
प्रतियोगितामा उत्कृष्ट ५ विधाबाट ५ जनालाई नगद १५÷१५ हजार तथा उत्कृष्ट कोचलाई नगद २० हजारबाट पुरस्कृत गरिने आयोजकले जनाएको छ। प्रतियोगितामा सर्व उत्कृष्ट खेलाडिले स्कुटर प्राप्त गर्नेछन्।