प्रदेश नम्बर दुईमा स्थानीय तहको संख्या बढाउन गठित समितिलाई मन्त्रिपरिषदले तीन दिनको थप समय दिएको छ।
समितिको म्याद सकिने दिन मंगलबार बसेको बैठकले समितिको म्याद थप्ने निर्णय गरेको हो।
स्थानीय तह पुनर्संरचना आयोगले बुझाएको प्रतिवेदन अध्ययन गर्न संघीय मामिला तथा स्थानीय विकास मन्त्री हितराज पाण्डेको संयोजकत्वमा समिति गठन गरेको थियो।
प्रतिवेदन अध्ययनको समय सकिएपछि दुई नम्बर प्रदेशमा संख्या बढाउन मन्त्रिपरिषदले सात दिनको समय दिएको छ।
मधेसी मोर्चाको माग सम्बोधन गर्न सरकारले दुई नम्बर प्रदेशमा स्थानीय तहको संख्या बढाउने तयारी गरेको हो। मोर्चाले मधेसमा जनसंख्याका आधारमा स्थानीय तहको संख्या निर्धारण हुनुपर्ने माग राखिरेहको छ।
सरकारले दुई नम्बर प्रदेशमा इलाकाका आधारमा स्थानीय तह बनाइ संख्या बढाउने तयारी गरेको छ।
तर मधेसी मोर्चासँग सहमति नजुट्दा यसलाई अन्तिम रूप दिन नसकेको हो। मधेसी मोर्चाले स्थानीय तह प्रदेश मातहत हुनुपर्ने र जनसंख्याका आधारमा संख्या निर्धारण गर्नुपर्ने माग गरिरहेको छ।
