सप्तरी घटनापछि आफ्नो मेची–महाकाली अभियान तीन दिनलाई स्थगित गरेको एमालेले सुरक्षाको कारण देखाउँदै शीर्षनेताहरूलाई विराटनगर पुर्याएको छ।
एमालेका सचिव योगेश भट्टराईले ‘शीर्ष नेताहरू विराटनगर पुगिसकेको’ सेतोपाटीलाई जानकारी दिए। सप्तरीको कार्यक्रम क्रममा मधेसी मोर्चाका कार्यकर्ता र प्रहरबीच झडप भई हिंसात्मक स्थिति उत्पन्न भएपछि एमालेले तुरुन्तै स्थायी समिति बैठक बसेर यस्तो निर्णय गरेको हो।
सप्तरीको कञ्चनपुरको रुपनी बजारस्थित एमाले केन्द्रीय सदस्य सुमन प्याकुरेलको घरमा स्थायी समितिको बैठक बसेर मेची–महाकाली अभियान तीन दिनलाई स्थगित गर्ने निर्णय गरेको एमाले प्रचारप्रसार विभाग उपप्रमुख सूर्य थापाले बताए।