रियल म्याड्रिडका स्टार पोर्चुगिज स्ट्राइकर क्रिस्टियानो रोनाल्डोको प्रहार घरेलु इटालियन क्लब नेपोलीको गोल पोस्टमा लागेर फर्किएको छ।
च्याम्पियन्स लिगको नकआउट चरणको अन्तिम १६ अन्तर्गत दोस्रो लेगको खेलका लागि मंगलबार राती (नेपाली समयअनुसार बुधबार बिहान) भइरहेको खेलमा रोनाल्डोको प्रहार इटालियन क्लबको पोस्टमा लागेर फर्किएको हो।
पहिलो हाफको २९ मिनेटमा उनले डिबक्सबाट कडा प्रहार गरेका थिए। तर, बल नेपोली क्लबको पहिलो बारमा लागेर फर्किएको थियो।
५ मिनेटअघि नेपोलीका लागि ड्राइएस मेर्टेन्सले गोल गरिसकेको अवस्थामा म्याड्रिडका लागि गोल फर्काउने राम्रो अवसर थियो। पहिलो हाफको खेल सकिदा नेपोलीले १–० को अग्रता बनाएको छ।
यसअघि म्याड्रिडमा भएको पहिलो लेगको खेलमा भ्रमणकारी टोली ३–१ ले अगाडी थियो।