तस्बिरः बिबिसी
अमेरिकी राज्य प्युर्टेरिकोमा एक व्यक्तिलाई आफ्नी गर्लफ्रेन्डको कुकुरको टाउको चपाएको आरोपमा जेल सजाय सात वर्षको जेल सजाय सुनाइएको छ। जनावरसँग दुर्व्यवहार गरेको र घरेलु हिंसाको दोषी पाइएको भन्दै लुइस अर्रोयोलाई सात वर्षको जेल सजाय सुनाइएको हो।
आफ्नी गर्लफ्रेन्डलाई पनि पिटेका अर्रोयोले फेब्रुअरी ४ मा दुई महिनाको कुकुरमाथि यस्तो व्यवहार गरेका थिए।
न्यायाधीश कार्लोस लोपेज जिमेनेजले लेर्स सहरमा बस्ने ४० वर्षीय अर्रोयमाथि ३ हजार डलर अर्थात करिब ३ लाख नेपाली रूपैयाँ बराबर जरीवानासमेत सुनाएका थिए।
बिबिसीका अनुसार अर्रोयो बेरोजगार थिए र उनी बितेको छ महिनादेखि आफ्नी ३८ वर्षीय गर्लफ्रेन्डसँग बस्दै आएका थिए। उनको टोकाइबाट कुकुरको घटनास्थलमै मृत्यु भएको छ। घटना पछाडिको कारण भने पत्ता लागेको छैन।
