वास्तविक प्रेम कथामा बनेको सिनेमा ‘बोबी’ को सिक्वेलको औपचारिक घोषणा गरिएको छ।
शनिबार प्रेसमिट गर्दै ‘बोबी २ : बाँकी कथा' निर्माण गर्ने घोषणा गरिएको हो । सिनेमा 'बोबी २'लाई मिन चाम्सले निर्माण तथा निर्देशन गर्नेछन्।
‘बोबी २ मा उमेशको संघर्ष र सफलताको कथा हुनेछ’, निर्माता तथा निर्देशक चाम्सले सिनेमा बारे भने, ‘उमेशको संघर्षका कथा साँच्चै रोचक छ ।’
सिनेमामा बोबी अर्थात् कविता गुरुंग, उमेश थापा, छोरा एलिश थापा र कलाकार विजय लामाको अभिनय रहनेछ । स्क्रिप्ट नरेश भट्टराई र गिरीराज घिमिरेको रहनेछ ।
चाम्स इन्टरटेनमेन्टको ब्यानरमा बन्ने सिनेमा बोबी २ चैतको पहिलो साताबाट फ्लोरमा जानेछ। सिनेमाको छायाँकन नेपाल र नर्वेमा हुनेछ।
अन्तरजातिय भागी बिवाह गरेका उमेश र कविताको ‘बोबी’लाई देश तथा विदेशका दर्शकले रुचाएका थिए ।