त्रिकोणात्म प्रेमकथा ’हृदय भरी’मा अभिनेता पल शाहले नव अभिनेत्री श्रद्धा क्षेत्रीसँग रोमान्स गर्ने भएका छन्। सुरज सुब्बा नाल्बोको लेखन तथा निर्देशनमा तयार हुने सिनेमाको सोमबार निर्माण घोषणा गर्दे नवअभिनेत्रीसँग पलले रोमान्स गर्ने जानकारी दिइएको हो।
सुरज सुब्बा 'नाल्बो'को निर्देशनमा बन्ने सिनेमामा पलले अर्की एक अभिनेत्री रेखा लिम्बुसँग रोमान्स गर्ने छन्। सिनेमामा पल, श्रद्धा र रेखाका अलावा निर शाह , सुनिल थापा , काश बाबु , अनुराग कुवंर , निर्मल शर्मा , सलोन बस्नेत , रेखा लिम्बु , कविता रेग्मी , अभिदिथ खाती , बिके श्रेष्ठ , दिपक गजमेर , प्रेम श्रेष्ठ, हटीनटी अनुपम श्रेष्ठ , आयुषमान घिमिरे,सुमन श्री लगायतको अभिनय रहनेछ ।
यसै फिल्म मार्फत श्रद्धा छेत्री नेपाली फिल्ममा डेब्यु गर्दै्छिन् । भारतको कोलकत्तामा बसोबास गर्दै आएकी श्रद्धा त्यहाँ चिनिने मोडल हुन् । फिल्मलाई एन फिल्मस् एण्ड क्रिएशन , शाह प्रोडक्सन प्रा.लि र दिपीन्द्र फिल्मसको संयुक्त ब्यानरमा निकेश लिम्बु, चन्दन शाह तथा दिपेन्द्र राईले निर्माण गर्दैछन् ।
घोषणा कार्यक्रममा सिनेमाको फिल्मको फस्ट लुक्स सार्वजनिक गरिएको थियो ।
फिल्ममा मानकृष्ण महर्जनको छायांकन , अर्जुन पोखरेल, हरी लम्साल, दिपक शर्माको संगीत , कविराज गहतराज र प्रविन सिङको कोरियोग्राफी , केदार भुषालको लेखन , बिपिन मल्लको सम्पादन रहेको छ ।
सिनेमा घोषणा कार्यक्रममा अभिनेता पलले कथा राम्रो लागेकाले सिनेमासँग जोडिएको बताए।
'सिनेमाले दर्शकलाई बाध्छ , विषयवस्तु राम्रो छ । फिल्ममा मलाइ चकलेटी ब्वाईकै रुपमा पाउनु हुनेछ तर अघिल्ला फिल्म भन्दा फरक रुपमा । मेरो लागि फिल्म संख्याभन्दा पनि गुणस्तर सधै नै आवश्यक रहयो र यसमा पनि त्यहि छ । फिल्मको टिम राम्रो छ , त्यसैले दर्शकले खोजे अनुसारको फिल्म दिने तयारीमा छौ ', पलले भने।
यस्तै डेब्यू अभिनेत्री श्रद्धाले नेपाली सिनेमा खेल्ने इच्छा पूरा भएको बताइन्।
उनले भनिन्,' मैले कोलकत्तामा रहेर काम गरिरहेको भएता पनि मलाइ नेपाली फिल्ममै आउनु मन थियो । मलाइ पहिला त कास्टले नै इम्प्रेस गरेको हो तर जब कथा सुने झनै इम्प्रेस भए । मेरो लागि राम्रो प्रवेश टाइम भएको आभास भएकोले यसै फिल्म मार्फत आउदैछु , आश छ दर्शकको माया पाउने छु । '
निर्देशक नाल्बोले पलसँग जोडी पनि सुहाउने भएकोले श्रद्धालाई डेब्यु गराउन लागेका बताए।
'मेरो पछिल्लो फिल्मले पनि मनोरंजनसँगै कहिँ कतै संदेश दिएकै छ , यसमा पनि छ । राम्रो टिम पाएको छु , राम्रो फिल्म बनाउने आत्मविश्वास छ', नाल्बोको भनाइ थियो।
