अनुपबिक्रम शाही स्टारर फिल्म 'पुरानो बुलेट'को पहिलो प्रदर्शन हङकङमा हुने भएको छ। निर्माण पक्षले दिएको जानकारी अनुसार सिनेमाको प्रिमियर फेब्रूवरी २३ मा हङकङको याउमातेईस्थित कम्युनिटी हलमा हुनेछ।
सिनेमा नेपालमा चैत्र १ गतेबाट सार्वजनिक प्रदर्शनमा आउनेछ । हाल सिनेमा पोष्ट प्रोडक्सन चलिरहेको छ ।
'हेल्प फर ह्युमिनिटी' (न्यानो काख अभियान) सहयोगार्थ सिनेमाको प्रदर्शन हुन लागेको जानकारी निर्देशक भीषण राईले दिएका छन्।
सिनेमामा अनुपबिक्रमसँगै बर्षा शिवाकोटी र माला लिम्बुको अभिनय रहेको छ। उनीहरूका अलावा कविता आले, कृष्णभक्त महर्जन, शिरोमणी दवाडी, शिव मुखिया, दिवज राई, बादल श्रेष्ठ, करण धिताल, युडी गुप्ता लगायतका कलाकारहरुको पनि अभिनय फिल्ममा समावेश छ ।